Повеќе лица загинале на Цетиње од истрели испалени од огнено оружје по физичка пресметка во една кафана, потврдено е за „Вјести“ од повеќе незванични извори.
Според истите информации, полицијата трага по осомничениот Цетињанец А.М.
Според сознанијата на „Вијести“ од Управата за полиција, мултиплицирано убиство се случило во попладневните часови во местото Бајице во еден угостителски објект, кога А.М. со употреба на огнено оружје лишил од живот неколку лица.
За „Вјести“ е соопштено дека во локалот на периферијата на Цетиње прво дошло до тепачка, по што осомничениот извлекол оружје и пукал.
Од Управата за полиција апелираат до граѓаните на Цетиње да останат присебни и да останат во своите домови, додека сите расположиви единици на полицијата се на терен и преземаат активности во рамките на својата надлежност со цел да ја стават ситуацијата под контрола и да го процесуираат извршителот.
„Ги информираме граѓаните дека се работи за ситуационен настан, кој не е последица на обрачун на високоризични организирани криминални групи. За решавање на оваа кризна ситуација, на терен се испратени специјални единици на полицијата“, се наведува во соопштението на полицијата.
