Некои истражувања укажуваат на врската помеѓу депресијата и другите ментални здравствени проблеми и недостигот на витамин Д. Овој витамин инаку е познат како „витамин на сонцето“ бидејќи телото го произведува кога кожата е изложена на сончева светлина.
Научниците забележале дека многу луѓе со депресија имаат ниски нивоа на витамин Д, пишува „Healthline“. Едно истражување од 2018 година покажало дека многу луѓе со депресија исто така имаат ниски нивоа на витамин Д во крвта, што укажува на можна поврзаност.
Дополнителни истражувања исто така покажуваат врска помеѓу депресијата и ниските нивоа на витамин Д кај лица со постпородилна депресија.
Помало истражување од 2020. година, кое опфатило 56 учесници со блага до умерена депресија, открило дека суплементацијата со витамин Д е поврзана со подобрување на тежината на депресијата во текот на осум недели. Меѓутоа, долгорочните користи од овој третман не се целосно јасни.
Големо истражување од 2020. година, кое опфатило повеќе од 18.000 луѓе со депресија, покажало дека земањето 2.000 меѓународни единици (IU) витамин Д дневно во текот на пет години не довело до значајни промени во резултатите на депресијата во споредба со групата која земала плацебо.
Главен извор на витамин Д за повеќето луѓе е сончева светлина. Ограничената изложеност на сонце може да доведе до недостиг на витамин Д. Колку изложеност е потребна зависи од: локалната клима, времето на денот, годишното време и бојата на кожата.
Можете да го зголемите внесот на витамин Д консумирајќи повеќе од овие природни извори: лосос, скуша, други масни риби, рибино масло, животински масти, храна обогатена со витамин Д, како што се сок од портокал, житарки, печурки, млечни производи обогатени со витамин Д, растителни млека, јајца…
Ако следите вегетаријанска исхрана, извори на витамин Д за вегани и вегетаријанци вклучуваат: обогатени растителни млека, овошни сокови, производи од житарки, печурки изложени на УВ светлина.
