Eлекторатот е поделен на средина, и на национално и во седумте држави на бојното поле, кои се очекува да го одредат исходот. Победникот можеби нема да биде познат со денови по гласањето во вторник.
Поранешниот претседател Трамп, 78-годишен републиканец, преживеа два обиди за атентат неколку недели откако поротата во Њујорк го направи првиот поранешен претседател на САД кој е осуден за кривично дело.
Потпретседателката Харис (60) стана кандидатка на демократите во јули – давајќи ѝ шанса да стане првата жена што ќе ја извршува најмоќната функција во светот – откако претседателот Џо Бајден (81) се откажа од кандидатурата за реизбор под притисок на неговата партија.
Повеќе од 78 милиони гласачи веќе гласаа на предвременото гласање, но следните два дена ќе бидат моментот кога Америка ќе го избере својот следен претседател.
„Трката е наша за да ја изгубиме“, им рече Трамп на илјадниците поддржувачи собрани во арената во Рали, Северна Каролина, една од седумте држави на бојното поле. „Ако излеземе сите и гласаме, тие не можат ништо да направат“.
Тоа беше прва од четирите постојки на кампањата за поранешниот претседател. Харис, во меѓувреме, планира да води кампања низ Пенсилванија, уште една клучна држава.
Тимот на кампањата на Харис верува дека нејзините напори за мобилизација на гласачите прават разлика и вели дека нејзините волонтери тропнале на стотици илјади врати во секоја од државите на бојното поле овој викенд.
„Се чувствуваме многу добро за тоа каде сме во моментов“, изјави пред новинарите претседавачот на кампањата Џен О’Мали Дилон.
Кампањата вели дека според нивните податоци неопределените гласачи, особено жените, е пркршуваат во нивна полза, и велат дека забележале зголемување на предвременото гласање меѓу основните делови на нивната коалиција, вклучувајќи ги младите гласачи.
Спроед предвидувањето објавено од The Economist, Камала Харис има поголеми шанси да стигне до потребните 270 гласови во изборниот колеџ, односно да освои точно толку.
Според нивната симулација, Харис би освоила 270 гласови во изборниот колеџ, додека нејзиниот противкандидат Доналд Трамп ќе оссвои 268.
