Од година во година цените во хрватските туристички центри растат, но оваа сезона трката за профит започна порано од кога било. Од кафе кое чини пет евра, лежалки кои се изнајмуваат поскапи од ноќевање во соба, до порции риба кои ги достигнуваат цените на луксузните ресторани во европските метрополи – сето тоа веќе ги загрижува и домашните и странските гости на Јадранот.
Едно е сигурно – сезоната се уште не е ни започната како што треба, а за цените се зборува како веќе да сме во средината на август. Тоа го потврдува и последната објава на Редит, каде еден корисник објавил фотографија од ценовник од кафуле на плажа во Сплит, а пренесува б92.
„Поскапа од Ибица“
„Можеби ценовникот е ставен на 100 метри од барот на плажа, но шанкот е под сенка (Жњан, Сплит)“, напиша тој во објавата со фотографијата и додаде: „Добредојдовте на Ибица“, алудирајќи на високите цени.
Цената на изнајмување лежалки се движи од 35 до 1.300 евра!
„Се додека има овци, ќе има и стрижење.
Друг корисник ги споредил цените во популарното одморалиште во Шпанија, Ибица и Сплит. Според податоците на веб-страницата Numbeo, Сплит е поскап, барем кога се во прашање туристичките капацитети. Авторот на објавата одговори на тоа:
„Ох, ужасот! Сè уште се потсмевам на тоа, кога е дури и поскапо од Ибица“.
Иако летната сезона официјално сè уште не е започната, дискусиите за цените покрај море се веќе секојдневна тема – во кафулињата, во медиумите и на социјалните мрежи. Многумина се прашуваат каков туристички бран не чека кога веќе во претсезона цените на сместувањето, кафето или порциите лигњи достигнаа нивоа кои до вчера беа резервирани за најскапите европски дестинации.
Судејќи според првите впечатоци, летото 2025 година повторно ќе ги стави на тест паричниците и нервите на домашните гости – а сезоната се уште не е ни започната како што треба.
