Поради одбележувањето на верскиот празник Задушница, денес (13.02.2026) Единицата за безбедност на патниот сообраќај при СВР Скопје воведе посебен режим на сообраќај на повеќе локации во главниот град.
Изменет режим кон гробиштата Бутел
Со почеток од 06:00 часот, сообраќајот кон градските гробишта Бутел се одвива во една насока (кружно движење).
Сите возила се упатуваат по следната рута:
- по ул. „Бутелска“,
- лево по ул. „Александар Урдаревски“,
- лево по ул. „Боца Иванова“,
- десно кон влезот на гробиштата Бутел.
Излезот од гробиштата се одвива:
- десно по ул. „Боца Иванова“,
- до кружниот тек на ул. „Бутелска“,
- лево по ул. „Бутелска“,
- десно по ул. „Кемал Сејфула“.
Посебен режим и кај други гробишта
Посебен режим на сообраќај е воведен и во близина на гробиштата:
- Камник
- Драчево
- Ѓорче Петров
Од Министерството за внатрешни работи апелираат до граѓаните да ги почитуваат наредбите и упатствата на полициските службеници на сообраќајниците опфатени со посебниот режим, со цел безбедно и непречено одвивање на сообраќајот.
