Поп ѕвездата, позната по хитовите Chandelier и Titanium, поднесе барање за развод од Даниел Бернард во март годинава, наведувајќи „непомирливи разлики“.
„Живеевме луксузно – и никогаш не следевме трошоци“
Во судските поднесоци, Бернард – поранешен доктор – навел дека му е потребна финансиска поддршка за да го одржи „луксузниот и горно-класен животен стил“ што го уживал за време на бракот.
Тој тврди дека бил „финансиски зависен од Сиа“ откако ја напуштил својата медицинска кариера за да раководи со заеднички деловен проект кој подоцна пропаднал.
Според документите, двојката, која се венчала во декември 2022 година и има 18-месечен син, трошела повеќе од 400.000 долари месечно за приватни авиони, одмори, луксузни ресторани и неколку вработени со полно работно време.
„Никогаш не требаше да внимаваме колку трошиме,“ напишал Бернард во изјавата.
„Сиа беше единствената што заработуваше“
Бернард, кој има 47 години, рекол дека барањето за привремена издршка е „неопходно“ бидејќи Сиа (49) била единствениот издржувач во бракот.
Поранешниот радијациски онколог истакнал дека, доколку сака да ја обнови својата медицинска лиценца, ќе мора да помине неколкугодишна обука и серија тешки испити, за што во моментот нема средства.
Бернард, покрај месечната издршка, побарал и дополнителни плаќања за покривање на судските трошоци и финансиската експертиза.
Претставниците на Сиа засега немаат дадено коментар во врска со барањето.
Извор:BBC
