Комбинацијата на диви и урбани терени околу Лос Анџелес може да значи дека на пожарникарите ќе им требаат недели за целосно да ги изгаснат пожарите, според експерт за пожари со кој разговараше Би-Би-Си.
„Ова е нов вид пожар што го гледаме се почесто“, изјави за Би-Би-Си Линдон Пронто, висок експерт за управување со пожари во Европскиот институт за шумарство, кој ја започна својата кариера како пожарникар во американската Шумска служба.
Тој додава дека вакви пожари се случуваат низ Европа во последните години, опишувајќи ги како „многу големи пожари кои се шират директно во урбаните средини, со катастрофални последици“.
Пронто истакна за Би-Би-Си дека, за разлика од типичниот урбан пожар како пожар во куќа, овие шумски пожари се движат брзо и „ќе бидат потребни многу денови, ако не и недели, за целосно да се изгаснат“.
