Според извештаите, врнежите достигнуваат до 180 литри на квадратен метар за 12 часа, пренесува агенцијата EFE.
Портпаролот на Државната метеоролошка агенција (Aemet), Рубен дел Кампо, истакна дека денес ситуацијата на источниот дел од Иберискиот Полуостров ќе биде „многу неповолна“, а врнежите долж медитеранската обала би можеле да надминат 300 литри на квадратен метар.
Очекувањата се дека бурата од утре ќе ги зафати и Балеарските острови, каде предупредувањето за екстремни временски услови ќе биде подигнато на портокалово ниво.
Каталонската влада денес ја прекина наставата во сите училишта во регионот Бајкс Ебре и Монсија на југот на Тарагона, а цивилната заштита испрати предупредувања до мобилните телефони на граѓаните, повикувајќи ги на внимателност.
Некои општини во покраината Валенсија кои денес ги затворија училиштата поради црвено предупредување за дожд, одлучија да ја продолжат обавеста и утре.
Поради силните врнежи, денес беа откажани четири летови на аеродромот во Валенсија, а забележани беа и доцнења во железничкиот сообраќај.
Извор: N1info.rs
