Ново истражување покажало дека 30 минутната дремка може да ги подобри расположението, меморијата и концентрацијата до четири часа откако ќе се разбудите. Со други зборови, можете само да си наштетите доколку намерно ги пропуштате можностите за дремнување со оглед на тоа дека нуди бројни придобивки.
Според студијата спроведена од страна на Националниот универзитет во Сингапур, дури и кратките дремки можат да ја намалат поспаноста и да го подобрат расположението.
Но, само половина час има моќ да ја подобри меморијата, а со тоа и процесот на примање нови информации и нивна обработка.
Истражувањето било спроведено врз 32 лица кои морале да дремнуваат секој втор ден по 10, 30 и 60 минути.
Расположението, субјективната поспаност и когнитивното влијание биле мерени во интервали од 5, 30, 60 и 240 минути по будењето за да се споредат долгорочните придобивки од различното времетраење на дремката.
Според д-р Рут Лонг, научен соработник на Медицинскиот факултет Јонг Лу Лин, иако многумина ги знаат придобивките од дремнувањето, сепак секојдневниот стрес и притисокот за навремено да се завршат работните обврски значи откажување од дремката во текот на работниот ден. Сепак, дремката од 30 минути покажала најдобар резултат во однос на брзото обновување на енергијата.
Извор: citymagazine.danas.rs
