Полска се соочува со најтешката меѓународна ситуација во последните децении, предупреди полскиот министер за надворешни работи Радослав Сикорски во своето годишно обраќање пред Парламентот.
– Во денешно време светот станува сè понепредвидлив: војна на нашите граници, промени во меѓународната рамнотежа на моќта, глобални економски и политички кризи ја поткопуваат стабилноста на која Европа со години се потпираше, рече Шикорски.
Тој изјави дека Полјаците се вознемирени и несигурни за иднината.
Сикорски наведе и неколку прашања кои, според него, ги мачат граѓаните: „Дали и ние сме изложени на руска агресија? Дали односите меѓу САД и Европа се на пат кон криза? Дали Европа може брзо да ги зајакне своите одбранбени капацитети?“
Според него, четири загрижувачки трендови би можеле да се влошат: поделбата на светот на сфери на влијание наместо сојузи; отстапување од глобалните норми и суверенитетот во корист на моќта; слабеење на меѓународните организации во полза на билатерални, трансакциски односи; и дезинформација, која ја замаглува границата меѓу вистината и лагата во јавниот дискурс.
– Новата ревизионистичка политика и старата политика на смирување го поткопуваат меѓународниот правен поредок врз кој се темели развојот на Полска“, рече Сикорски. „Се појавуваат прашања за издржливоста на нашите безбедносни основи – европската заедница и трансатлантската соработка, додаде тој.
На неговото обраќање присуствуваа високи полски функционери, меѓу кои и претседателот Анджеј Дуда.
