Полска и Романија ќе постават нов систем за заштита од руските беспилотни летала, објавија тамошните власти.
Станува збор за американскиот систем Меропс, а ваквиот потег доаѓа по серијата инциденти што се случија во воздушните простори на двете земји.
Меропс може да идентификува беспилотни летала и да им се приближи, користејќи вештачка интелигенција за навигација, кога сателитските и електронските комуникации ќе откажат.
– Овој систем ни овозможува многу прецизно откривање. Способен е да таргетира беспилотни летала и да ги соборува, изјави помошник началникот на штабот за операции во Командата на сојузничките сили на НАТО, полковник Марк Меклелан.
На почетокот на септември, околу 20 руски беспилотни летала влегоа во воздушниот простор на Полска, а кон средината на септември, сличен инцидент се случи и во Романија. Исто така, поради беспилотните летала, аеродромите во Копенхаген, Минхен, Берлин и Брисел беа привремено затворени.
