Во Македонија утрово владее вистинска поларна свежина — температурите во некои региони се спуштија под нулата, што го прави ова утро значително поладно од претходните денови. Според метеорологот Славчо Попоски, утрото е ведро, претежно тивко и без посебен ветер, а локално е забележана појава на магла и ниска облачност, особено во Охридско–Преспанскиот регион.
Според мерењата направени до 4 часот утринава, најниските температури се забележани во западните и северните делови на земјата, каде што живата во термометарот се спушти и до –3 степени Целзиусови. Во останатите делови, температурите се движат меѓу 0 и 5 степени, што е показател дека Републиката постепено влегува во вистинскиот есенски период.
Ова заладување доаѓа по преминот на поладниот и влажен северозападен бран што во изминатите денови донесе дожд и ветер во повеќе региони. Метеоролозите најавуваат дека ладните утрински часови ќе продолжат и во следните денови, особено во котлините каде што маглата може да се задржува подолго.
Иако времето е студено, денот ќе биде сончев и стабилен, што значи дека со изгрeјсонце температурите ќе пораснат, но сепак ќе останат под просекот за овој период од годината.
Се препорачува граѓаните кои патуваат рано наутро да бидат внимателни поради можност за лизгави коловози и намалена видливост во областите со густа магла.
