Во текот на изминатат ноќ и денес температурите ќе продолжат да опаѓаат поради ладниот воздух кој се спушта од североистокот на Европскиот Континент, поточно од Русија, најавуваат метеоролозите. Во ваква ситуација температурите денес насекаде ќе се спуштат под нулата, односно тие ќе се спуштаат во интервалот од -10 до -2 степени, додека на планинските места, како и на Скијачките центри тие ќе се спуштат и под -10 степени.
„Локално ќе провејува и снег и ќе биде променливо облачно која утре (среда 19 февруари) постепено ќе се намалува облачноста и ќе настапува целосно постепено разведрување на времето. Сето ова ќе биде проследено со засилен ветер од северен правец, најизразен Долж Повардарието и во југоисточните предели (повремено и локално со брзина до околу, па и над 60 км/час)“ пишува Метеоаларм.
И во Скоспкиот регион, според метеоролозите следува дополнително големо заладување на времето, проследено со засилен ветер од северен правец (во делови од котлината со брзина повремено до околу, па и над 60 км/час). Има услови и за слабо провејување на снег во текот на претстојната ноќ. До утре наутро температурата во Скопскиот регион ќе се спушти до околу -4/-5 степени.
