Луѓето во покраините Бранденбург и Саксонија Анхалт можеа да ја видат поларната светлина на ноќното небо.
Фоторепортерите од агенцијата dpa снимија розови, виолетови и зеленикави ленти на светлина над одредени области во тие провинции.
Покрај Германија, поларната светлина била видена и над Англија.
Last Night, Nothern Lights above Berlin-Spandau -> Brandenburg-Schönwalde🙂#Polarlichter #Aurora #Borealis #April2025 pic.twitter.com/xZnkna805P
— Fritzchens Fritz (@FritzchensFritz) April 17, 2025
Поларната светлина – australis на јужната хемисфера – е предизвикана од судирот на наелектризираните честички на сончевиот ветер со атмосферата.
Бидејќи планетарното магнетно поле ги „турка“ и ги забрзува овие честички кон половите, аурорите обично се видливи само на голема географска ширина север и југ.
Поларната светлина беше видлива и минатата година во неколку наврати невообичаено далеку на југот на северната хемисфера, вклучително и во Германија и Англија.
Sky Magic in Brandenburg! 🌌✨ The Northern Lights dazzled over Germany last night thanks to a solar storm. pic.twitter.com/QVleZYIAnU
— AccuWeather (@accuweather) April 17, 2025
Портпаролот на Институтот за сончева и копнена физика при Германскиот авијациски центар тогаш објасни дека честото појавување на поларните светлина не е ништо невообичаено.
Приближно на секои 11 години, во таканаречениот соларен циклус, се случуваат фази на зголемена сончева активност.
Пролетта и есента статистички се годишните времиња кога поларната светлина има најголеми шанси да се појави над Германија.
