Маркетингот крие вистинскиот состав
„Овие производи изгледаат здраво на прв поглед, но честопати се полни со додаден шеќер, рафинирани масла и празни калории за клучен оброк како појадокот“, предупредуваат нутриционистите за Daily Express. Еден од најчестите примери е – гранола.
Иако често се промовира како здрав појадок, многу брендови на гранола содржат големи количини шеќер и маснотии. Само една порција од 85 грама може да има и над 400 калории, а шеќерот во неа понекогаш е споредлив со оној во чоколадо.
Лажни „здрави избори“
Истиот проблем го имаат и ароматизираните јогурти, протеинските плочки и овошните сокови – производи кои на прв поглед изгледаат како здрав избор, но во реалноста содржат повеќе шеќер отколку што мислиме.
„Ако некој производ мора да ве убеди преку светкава амбалажа и големи слогани дека е здрав – веројатно не е“, велат од Optimal You.
Што да јадете наместо тоа?
Нутриционистите препорачуваат едноставни, минимално преработени избори:
- Обична овесна каша со свежо овошје
- Грчки јогурт без додаден шеќер
- Вода или билен чај наместо овошен сок
„Вашето тело ќе ви биде благодарно што го храните со вистинска, хранлива храна – и резултатите ќе дојдат побрзо и без фрустрации“, заклучуваат експертите.
