Американската пејачка Оливија Родриго, како дел од својата турнеја World Guts, неодамна настапи во Св. Луис во Мисури. Сите оние кои се појавија на концертот добија бесплатни кондоми и апчиња „ден потоа“.
21-годишната пејачка и претходно ја изрази својата поддршка за правото на избор на жените, а фановите на Х покажаа како добиваат кондоми и апчиња за „ден потоа“.
Забрана за абортус
Дистрибуцијата е создадена во соработка со фондот за абортус во Мисури, кој финансиски им помага на жените со ниски приходи да абортираат, а потегот на пејачката дојде откако Мисури воведе забрана за абортус, освен во случај да е во прашање животот на трудницата.
Забраната уследи откако Врховниот суд на САД ја поништи одлуката Roe V. Wade од 1973 г.
Дел од парите од билетите одат во донации
Родриго, исто така, ќе донира дел од приходите од секој продаден билет на нејзината турнеја на Fund 4 Good, непрофитна организација што е основана со цел да ги изедначи правата на жените, како и на Националната мрежа на фондови за абортус за да помогне во обезбедувањето финансии за жените кои имаат потреба од грижа за репродуктивното здравје.
„Јас сум уништена и преплашена. Толку многу жени и толку многу девојки ќе умрат поради ова. Оваа следна песна сакам да им ја посветам на петтемина членови на Врховниот суд кои ни покажаа дека на крајот на денот навистина не им е гајле за слободата. Песната е за Justices: Samuel Alito, Clarence Thomas, Neil Gorsuch, Amy Coney Barett, Brett Kavanaugh. Ве мразиме!“, рече таа.
