Граѓаните, застанати пред неправдата, не молчеа. Се собраа, почнаа да снимаат, да викаат, да бараат одговорност. Притисокот беше толкав што ПОЦ не можеше да продолжи да се прави слеп – службениците излегоа и му напишаа казна на „светото” возило. Како што е ред.
Од Дирекцијата велат – кога со нив во возилото има полицаец, „се врши притисок” и не може да се пишуваат казни секому, туку дека тоа се прави селективно.
Ова е симбол – дека кога институциите ќе паднат, народот може да ги исправи. Но не треба вака да биде. Не треба правдата да зависи од тоа колку сме гласни, колку снимаме и колку протестираме.
Ако ПОЦ има храброст да крева автомобили на обични луѓе, нека ја има истата храброст за сите, а не селективно. Во спротивно, тоа не е јавен сервис – туку соучесник во неправда.
