Најголемата соларна централа на Балканот, која се наоѓа недалеку од селото Априлци во Бугарија, ќе почне да работи со полн капацитет од јули.
Според бугарските медиуми, поставени се повеќе од 800.000 панели, кои на крајот на мај работеа со моќност од 251 MW, додека целосната инсталирана моќност на електраната е 400 MW.
Приклучокот до операторот на електроенергетскиот систем е 300 MW, а планирано е панелите никогаш да не работат на 100 проценти.
Сончевата централа зафаќа 8.000.000 квадратни метри и е видлива на сателитски снимки.
Вкупната инвестиција не е јавно објавена, но според пазарните проценки, ваков објект чини околу 200 милиони евра. Голем дел од финансирањето е преку банкарски кредити, пишува Capital.bg.
Проекти на големи соларни централи на Балканот
Иако ниту една соларна централа на Балканот не може да се спореди со централата Априлци, во тек е изградба на бројни големи соларни проекти, кои ќе додадат значителни капацитети за зелена енергија на земјите од Балканот.
Во моментов, најголемата бифацијална соларна централа во Србија е DeLasol со моќност од 9.913 MW. Изграден е во атарот на општина Лапово на површина од 12,5 хектари. Неговата големина се рефлектира и во бројот на соларни панели – дури 17.980 најсовремени панели, моќност 650/655 Wp, произведени од реномираната Canadian Solar. Годишно ќе произведува 15.000 мегават-часови електрична енергија.
Албанија е дом на една од најголемите соларни централи во регионот со капацитет од 140 MW. Електраната Каравашта се простира на 200 хектари и со електрична енергија снабдува 220.000 жители.
Најголемата соларна централа во Хрватска се вика Обровац, а беше пуштена во употреба во мај 2023 година. Оваа електрана, со инсталирана моќност од 8,7 MW, е изградена на местото на поранешната фабрика и се простира на површина од 117.137 м2. Струја се произведува од 27.544 соларни панели на домашен производител и во неа се инвестирани 6,9 милиони евра.
А во Босна и Херцеговина се најавува изградба на соларната централа Билеќа која ќе се простира на 133 хектари земјиште, а на која ќе бидат поставени 91.560 панели наменети за годишно производство од 84 GWh електрична енергија.
Фото: pexels.com
