По повеќегодишно боледување, денеска на 71-годишна возраст почина проф. д-р Владо Јаневски, познат хирург и долгогодишен ментор во медицинската заедница, сопруг на министерката за образование и наука, Весна Јаневска.
Јаневски беше препознатлив по својата посветеност кон пациентите, како и по активниот ангажман во едукацијата на млади лекари и хирурзи. Неговите ученици и колеги го опишуваат како врвен професионалец, строг но правичен ментор, со голема хуманост и преданост кон професијата.
Во текот на кариерата, тој остави значајна трага во Клиничкиот центар „Мајка Тереза“, како и во повеќе приватни здравствени установи низ државата, каде неговото знаење и искуство го пренесе на бројни млади лекари кои денес продолжуваат да го следат неговиот пат.
Посмртните останки ќе бидат изложени утре, 1 март, во 11:00 часот, во капелата во Бутел, каде семејството, пријателите, колегите и почитувачите ќе можат да му оддадат последна почит.
