Нова научна студија сугерира дека почестата ејакулација може да има позитивен ефект врз машката плодност, давајќи „мал, но значаен поттик“,особено кога станува збор за процедури како ин витро оплодување (IVF).
Истражувањето спроведено од научници од Универзитетот во Оксфорд покажува дека квалитетот на спермата брзо опаѓа кога таа се „чува“ подолг период во организмот.
Спермата „старее“ побрзо отколку што се мислеше
Истражувачите анализирале 115 студии кај луѓе со речиси 55.000 мажи, како и 56 студии на 30 различни животински видови.
Резултатите покажале дека зрелата сперма се влошува со текот на времето – процес познат како „постмејотска сенесценција на спермата“. Овој процес се случува независно од возраста на мажот.
Подолгите периоди на апстиненција биле поврзани со: поголемо оштетување на ДНК на спермата, зголемен оксидативен стрес, намалена подвижност и пониска одржливост.
„Спермата има ограничена способност за поправка и брзо ги троши енергетските резерви, што ја прави особено чувствителна на складирање“, објаснува Ребека Дин, коавтор на студијата.
Почестата ејакулација како „освежување“
Истражувачите заклучуваат дека редовната ејакулација помага да се „исчисти“ постарата и оштетена сперма, со што се подобрува вкупниот квалитет.
„Нашата студија покажува дека почестата ејакулација може да донесе мал, но значаен бенефит за плодноста“, додава Ирем Сепил.
Женското тело подобро ја чува спермата
Интересно, студијата покажува дека женскиот репродуктивен систем е поефикасен во зачувување на квалитетот на спермата.
Причината се специјализирани биолошки механизми и течности кои ја штитат спермата, обезбедуваат антиоксиданси и ја продолжуваат нејзината виталност
Последици за медицината и IVF
Откритијата може да имаат важни импликации за третманите за неплодност.
Во моментов, Светската здравствена организација дозволува апстиненција до 7 дена пред давање примерок од сперма. Но, новите податоци сугерираат дека тоа можеби е предолго.
Други истражувања покажуваат дека ејакулација во рок од 48 часа пред давање примерок може да ја зголеми успешноста на IVF.
Ново разбирање на плодноста
Главниот автор Криш Сангви објаснува дека спермата треба да се гледа како „популација“ која старее и се менува со текот на времето.
Ова истражување не само што може да ги подобри протоколите во клиниките за плодност, туку и да помогне во заштита на загрозени видови и развој на нови технологии за складирање на сперма
