Од „The King’s Speech“ до „Anora“, Euronews Culture ги рангира сите добитници на Оскар за најдобар филм од 2010 година наваму. Кој ќе се приклучи на оваа престижна листа во недела?
98-то издание на Оскарите се одржува овој викенд, и сакале ние или не, златната статуетка од осум и пол фунти за најдобар филм и понатаму е најголемата награда на секоја сезона на филмски награди.
Оскарот за најдобар филм е признание што го зацврстува местото на еден филм во историјата, и иако е лесно да се доведе во прашање изборот на Академијата, ставањето на овие победници во контекст останува интересно – особено за да се утврди кои филмови го издржале тестот на времето. И колку малку од нив навистина ја заслужиле наградата.
Наскоро ќе дознаеме кој ќе се приклучи на листата на победници… Дали тоа ќе биде „One Battle After Another“ на Пол Томас Андерсон или „Sinners“ на Рајан Куглер, кој веќе го урна рекордот за најмногу номинации во историјата на Оскарите?
Токму затоа, Euronews Culture се навраќа на победниците за најдобар филм од 2010 година и ги рангира – од „Што мислеше Академијата?“ до „Неверојатно, овојпат погодија“.
15) Green Book (2019)
Вкупно освоени Оскари: 3 – најдобар филм, најдобра споредна машка улога (Mahershala Ali), најдобро оригинално сценарио.
„Green Book“ без сомнение е најмалку заслужениот победник за најдобар филм од 2010 година наваму. Иако не е лош филм сам по себе, останува површен и популистички поглед на расните односи во Америка.
Уште полошо, победи само две години по „Moonlight“, кој обработи слични теми без да се потпира на застарени клишеа.
Филмот претставува чекор назад во начинот на кој се прикажува долгата историја на расизамот во Америка. Не е проблем што е „feel-good“ филм, ниту пак одличната глума на Махершала Али– туку фактот што филмот на Питер Фарели е толку суптилен колку моторна пила.
Гласачите на Оскарите изгледа сакаа да наградат филм што ќе направи да се чувствуваат добро, во стилот „расизмот е решен и ние помогнавме“.
Речиси сите номинирани таа година беа подобар избор, особено A Star Is Born, The Favourite, BlacKkKlansman и Roma.
14) The King’s Speech (2011)
Вкупно освоени Оскари: 4 – најдобар филм, најдобар режисер (Tom Hooper), најдобар актер (Colin Firth), најдобро оригинално сценарио.
Да бидеме искрени: Том Хупер, режисерот на Les Misérables, The Danish Girl и Cats, има снимено само еден навистина добар филм – и тоа не е The King’s Speech.
Филмот не е лош, но е прилично бледа и предвидлива мелодрама создадена како класичен „оскаровски мамец“. Биографија. Кралско семејство. Закана од војна.
Списокот продолжува со оваа питома приказна за тоа како кралот Џорџ VI го надминал својот говорен проблем за да одржи говор во пресрет на Втората светска војна.
Подобар избор за победник беше Toy Story 3.
13) CODA (2022)
Вкупно освоени Оскари: 3 – најдобар филм, најдобра споредна машка улога (Troy Kotsur), најдобро адаптирано сценарио.
„CODA“ е топол филм за созревање кој направи историја како првиот победник за најдобар филм објавен на стриминг платформа (Apple TV+).
Сепак, големи се шансите дека ако веќе не сте го гледале, веројатно нема ни да го гледате – бидејќи филмот веќе падна во заборав.
Во 2022 година, подобар избор за победник беше Drive My Car.
12) The Artist (2012)
Вкупно освоени Оскари: 5 – најдобар филм, најдобар режисер, најдобар актер, најдобра музика, најдобра костимографија.
Францускиот режисер Мишел Хазанавициус со „The Artist“ сними љубовно писмо до ерата на немиот филм.
Филмот е шармантен, но со текот на времето изгуби дел од својата сила.
Подобар избор претставуваше The Tree of Life.
11) Spotlight (2016)
Вкупно освоени Оскари: 2 – најдобар филм, најдобро оригинално сценарио.
Филмот на Том Мекарти е омаж на истражувачкото новинарство и се занимава со системската злоупотреба на деца во Католичката црква.
Иако е силен и информативен, на крајот беше „безбеден избор“ за Академијата.
Подобра опција во 2016 беше Mad Max: Fury Road.
10) Argo (2013)
Вкупно освоени Оскари: 3 – најдобар филм, најдобро сценарио, најдобра монтажа.
„Argo“ често се критикува затоа што ги извртува фактите, но сепак е напнат и забавен политички трилер.
Amour беше апсолутно подобар избор.
9) Birdman (2015)
Вкупно освоени Оскари: 4 – најдобар филм, најдобар режисер, најдобро сценарио, најдобра кинематографија.
Амбициозниот филм на Алехандро Ињариту следи актер кој се обидува да направи камбек на Бродвеј.
Таа година, The Grand Budapest Hotel можеше заслужено да ја однесе наградата.
8) Nomadland (2021)
Вкупно освоени Оскари: 3 – најдобар филм, најдобар режисер, најдобра актерка.
Филмот на Клои Жао го прикажува животот на луѓето на маргините на американското општество и беше еден од најнеобичните победници на Оскарите.
Подобар избор за златната статуетка беше Sound of Metal.
7) The Shape of Water (2018)
Вкупно освоени Оскари: 4 – најдобар филм, најдобар режисер, најдобра музика, најдобра сценографија.
Стилска фантастична приказна на Гиљермо дел Торо која комбинира хорор, романса и фантазија.
Можеби подобар избор во 2018тата беше Phantom Thread.
6) Oppenheimer (2024)
Вкупно освоени Оскари: 7 – најдобар филм, режија, актер, споредна машка улога, кинематографија, монтажа, музика.
Епскиот филм на Кристофер Нолан за физичарот Ј. Роберт Опенхајмер и проектот „Менхетен“ беше едно од најголемите признанија во неговата кариера.
Но исто така, The Zone of Interest можеше да биде заслужен победник.
5) Everything Everywhere All at Once (2023)
Вкупно освоени Оскари: 7 – најдобар филм, режија, актерка, споредна актерка, спореден актер, сценарио, монтажа.
Ексцентричниот филм што комбинира научна фантастика, акција и семејна драма беше вистинска аномалија меѓу победниците.
4) Anora (2025)
Вкупно освоени Оскари: 5 – најдобар филм, режија, актерка, сценарио, монтажа.
Филмот на Шон Бејкер беше големо изненадување и една од најзабавните победнички приказни на последните години.
3) 12 Years a Slave (2014)
Вкупно освоени Оскари: 3 – најдобар филм, споредна актерка, адаптирано сценарио.
Бруталниот филм на Стив Меквин за американското ропство беше најзаслужениот победник таа година.
2) Moonlight (2017)
Вкупно освоени Оскари: 3 – најдобар филм, спореден актер, оригинално сценарио.
Емотивната приказна за животот на млад геј маж беше една од најсилните одлуки на Академијата.
1) Parasite (2020)
Вкупно освоени Оскари: 4 – најдобар филм, режија, сценарио, интернационален филм.
Социјалната сатира на Бонг Џун-хо останува најзаслужениот победник за најдобар филм во последните 15 години.
Филмот стана првиот неанглиски филм што освоил Оскар за најдобар филм и ја урна бариерата за меѓународното кино.
