Нивото на светските мориња расте со невидена брзина — побрзо отколку во кој било друг период во последните 4.000 години. Новите податоци откриваат дека климатските промени и човечката активност се главните двигатели на овој опасен процес, кој носи зголемен ризик од поплави и ерозија за милиони луѓе ширум светот.
Истражувањето покажуваат дека од 1900 година, нивото на морето се зголемува со просек од 1,5 милиметри годишно — најбрз пораст во модерната историја. Главните причини се топењето на глечерите и термичката експанзија на океаните.
Само Гренландската ледена покривка изгубила околу 80 милијарди тони мраз во периодот од септември 2023 до август 2024 година, а нејзиното целосно топење би предизвикало глобален пораст на нивото на морето од 7,4 метри. Според научниците, секој сантиметар дополнителна вода значи ризик за шест милиони луѓе во крајбрежните зони.
Особено ранливи се делтите и крајбрежните метрополи – од Шангај и Гуангжу до Њујорк и Манила. Урбанизацијата, прекумерното користење на подземни води и климатските промени создаваат совршена бура што ги доведува овие региони на работ на трајна поплавна криза.
Растот на морското ниво не е далечна закана — тој веќе се случува. Научниците предупредуваат дека без глобално и локално делување, човештвото може да влезе во нова ера на климатска несигурност, каде водата ќе стане новата граница помеѓу безбедноста и загубата.
