Последниот филм од франшизата „Невозможна мисија“ доживеа премиера пред неколку денови, а страсните обожаватели на франшизата предводена од Том Круз ги очекуваше пријатно изненадување бидејќи во неа го видоа и враќањето на ветеранот Ролф Саксон.
Ова беше важен момент бидејќи Ролф се врати на големото платно за да го игра Вилијам Донло, истиот лик што многумина можеби го паметат како аналитичарот на ЦИА, Вилијам Донло, во првиот дел од серијалот снимен далечната 1996 година.
Во филмот од 1996 година, Ролф се појавува многу кратко на екранот, но овој пат во „Последната пресметка“, Том Круз и режисерот Кристофер Меквори му подарија на актерот главна споредна улога.
Актерот сподели дека кога првпат слушнал дека е разгледуван за улога во филмот, тоа не го сфатил сериозно бидејќи мислел дека можеби е шега.
Во разговор за „Пипл“ , тој рече: „Добив телефонски повик во јануари 2022 година во кој ми кажаа дека една европска филмска компанија е заинтересирана да те види за улога. Реков: „Добро, дали се легитимни?“ Тие рекоа: „Да, мислиме дека е така.“ Па закажавме состанок и потоа рекоа дека се работи за „Скајденс“, „Том Круз“ и „Невозможна мисија“, а јас си помислив дека некој се шегува на моја сметка.
