Додека завршните подготовки за Олимписките и Параолимписките игри Париз 2024 се во тек, француската престолнина оваа година на 5ти јули прослави 100 години од игрите во 1924 година—настан што го обликуваше Париз, Олимпиското движење и текот на Олимписката историја.
Игрите во 1924 година го одбележаа последното издание под претседателството на Пјер де Кубертен, основачот на модерните Олимписки игри. Настанот од 1924 година воведе многу Олимписки традиции и иновации кои се присутни и денес.
Олимписко село
Една од најзначајните иновации беше воведувањето на Олимписко село. Олимпиското село во 1924 година беше изградено во близина на Стад Олимпик во Коломб и се состоеше од привремени дрвени кабини. Оваа година Олимпиското село Париз 2024, е подготвено да ги помести границте кога станува збор за сместувањето на спортистите. Лоцирано на раскрсницата на три париски предградија, олимпиското село ќе стане нова станбена област по Игрите, нудејќи 2.800 станови и обезбедувајќи работни и рекреативни објекти за 6.000 луѓе. Изградено со одржливи материјали, го намалува загадувањето за 30%.
Олимписко знаме
Игрите во 1924 година исто така го воведоа протоколот за знамето за време на Завршната церемонија, со што се симболизира крајот на Игрите и пренесувањето на Олимпискиот дух на следниот град домаќин. Оваа практика го симболизира единството и континуитетот на Олимпиското движење.
Спорт и култура
Игрите во 1924 година ги споија класичните Олимписки традиции со авангардниот дух на 1920-тите, прикажувајќи нови спортски технологии и организирајќи Олимписки уметнички натпревари. Културната Олимпијада Париз 2024 ја продолжува оваа традиција со илјадници, главно бесплатни настани низ цела Франција, спојувајќи уметнички и атлетски настапи.
Урбан развој и трајна инфраструктура
Игрите во 1924 година поттикнаа значителен урбан развој во Париз, вклучувајќи реновирање на железничките линии и изградба на станицата Гар ду Стад. Стад Олимпик де Коломб и Стад Наутик де Турел, сега базен Жорж-Валери, беа централни места за време на Игрите во 1924 година и повторно ќе се користат и оваа година.
Париз 2024: Почитување на минатото, прифаќање на иднината
Додека Париз се подготвува за игрите во 2024 година, истовремено го почитува своето богато Олимписко наследство додека се справува со современите предизвици. Париз 2024 се прилагодува на потребите како град-домаќин, гради одржливи населби кои го намалуваат загадувањето и ги максимизира позитивните влијанија за идните генераци
Извор: https://olympics.com/ioc/news/paris-1924-celebrating-a-century-of-change
