Американскиот рапер Machine Gun Kelly (34) е фотографиран на ноќно излегување во Западен Холивуд со мистериозна русокоса, а од Меган Фокс нема ни трага.
Како што може да се види на неговиот Инстаграм профил, раперот целосно го промени имиџот, заменувајќи ја кратката руса коса со опавче. За потсетување, актерката Меган Фокс (36) и музичарот Machine Gun Kelly (32) се во врска од 2020 година, а во јануари минатата година се свршија, со што врската ја подигнаа на повисоко ниво.
Сепак, изгледа дека наместо да се омажи, актерката одлучила дека врската е завршена, ако им се верува на нејзините најнови објави на социјалната мрежа Инстаграм.
Да потсетиме, американската актерка беше среќна бидејќи нејзиниот вереник беше номиниран за наградата Греми. Сепак, се чини дека бајката е завршена бидејќи Меган Фокс јасно стави до знаење дека тие двајца се минатото. Меган ги избриша сите нивни заеднички слики од Инстаграм, додека на профилот на нејзиниот вереник се уште има заеднички фотографии.
А потоа објавила серија атрактивни селфиња пред огледало, а зад нив стои стилист. Последниот кадар во секвенцата покажа симболична порака, а иако не знаеме на што се однесува, јасно е дека работите меѓу неа и музичарот не се баш најдобро.
Меган потоа објасни се во натписот на фотографијата.
„Можам да го пoчувствувам срамот, во твојот здив“, напиша таа на Инстаграм, цитирајќи стихови од песната на Бијонсе „Lemonade“, за која се верува дека е референца за наводното изневерување на Џеј Зи.
Тогаш исчезна нејзиниот профил на Инстаграм, а на фан страните на убавата актерка фановите не престануваат да коментираат. „Ако момчето ја изневерил, нема надеж за други жени“, е еден од коментарите под оваа објава.
