Според едно светско списание, титулата најубаво место во светот за 2025 година ја понесе Националниот парк Комодо во Индонезија, познат по своите прекрасни пејзажи и уникатните змејови од Комодо.
На островот Падар, посетителите можат да уживаат во глетката на три заливи со бел, црн и розов песок, сè на едно место. Опкружена со карпести ридови и недопрена природа, оваа сцена потсетува на многу сцени од филмови за диносауруси.
Паркот, кој е дел од светското наследство на УНЕСКО, нуди и прекрасни розови плажи, кристално чисто море, богат подводен свет и можност за нуркање меѓу шарени корали. Експертите препорачуваат и тура со брод за да се доживее сè што нуди ова прекрасно место.
