Камерен оркестар, под диригентската палка на Агона Чупи и Ангел Спироски, заедно со нараторот Рахим Рамадани, ќе ги воведат најмладите во магичниот свет на класичната музика на Сергеј Прокофиев. Претставата ќе се одржи на два јазика – на албански јазик од 16:00 часот и на македонски јазик од 17:00 часот.
„Петар и волкот“ е симфониска бајка која раскажува хумористична и возбудлива приказна за храброто момче Петар, кое со помош на животните и ловците се обидува да го фати лошиот волк. Приказната е уникатна по тоа што секој лик е претставен со различен инструмент, што на децата им овозможува да ги запознаат звуците на класичната музика преку еден интересен и интерактивен начин.
Концертот не само што ги забавува децата, туку и ги едуцира, запознавајќи ги со различни музички инструменти, нивниот звук и карактер. Овој настан ќе им понуди на најмладите слушатели можност да научат повеќе за храброста, пријателството и важноста на критичкото размислување.
Влезот за овој едукативен концерт е бесплатен, а е наменет за деца над 6-годишна возраст. Ве покануваме да уживате во оваа уникатна музичка авантура заедно со вашите најмлади!
