Метаболизмот игра клучна улога во тоа колку ефикасно нашето тело ја претвора храната во енергија. Спор метаболизам може да го отежни губењето килограми, додека добро функционирачкиот метаболизам поддржува повисоко ниво на енергија и подобро согорување на масти. За среќа, постојат едноставни, научно поткрепени начини за подобрување на метаболизмот и поттикнување на слабеење. Експертите споделуват неколку совети.
Зголемете го внесувањето на протеини
Зголемувањето на внесувањето протеини помага да се забрза метаболизмот благодарение на термичкиот ефект на храната (TEF). „Протеините предизвикуваат најголем пораст на TEF, зголемувајќи го метаболизмот за 15 до 30 проценти.“
Внимавајте на хидратацијата
Водата е неопходна за забрзување на метаболизмот. Истражувањата покажуваат дека пиењето вода може да го зголеми метаболизмот за до 25 проценти во текот на еден час по консумирањето. Покрај тоа, водата помага во претворањето на складираните масти во енергија. „Водата го зголемува нивото на енергија и го намалува апетитот за непотребна храна во текот на денот.“
Спијте доволно и квалитетно
Спиењето е клучно за регенерација на телото и правилно функционирање на метаболизмот. Без доволно сон, телото не може да произведува хормони, да обновува мозочни клетки или да ги извршува метаболичките процеси, вклучувајќи го и метаболизмот на мастите. Недостатокот на сон го забавува метаболизмот и негативно влијае на слабеењето.
Не прескокнувајте го појадокот
Прескокнувањето појадок го забавува метаболизмот, го намалува нивото на шеќер во крвта и може да доведе до прејадување подоцна во текот на денот. Тоа негативно влијае на здравјето на дигестивниот систем, се согласуваат стручњаците. Затоа, важно е да се усвои навиката за јадење здрав појадок.
Контролирајте го нивото на стрес
Хроничниот стрес предизвикува зголемување на кортизолот, хормон кој може да го забави метаболизмот и да поттикне акумулација на масти, особено околу стомакот. Техники како што се јога, медитација и длабоко дишење можат да го намалат нивото на кортизол и да создадат поволно опкружување за здрав метаболизам, велат стручњаците.
