Во рамките на изданието ќе се одржи пригоден настан во чии рамки ќе бидат врачени почесните награди „Златна рамка“. Годинашни добитници на наградата се: актерот Јордан Симонов, директорот на фотографија Роберт Јанкулоски и Алисија Ферро, скриптерка и секретар на режија. Во знак на јубилејот 75 години постоење на ДФРМ постхумно ќе бидат доделени и плакети на седуммина професионалци кои со својата работа оставиле значајна трага врз македонската кинематографија: Јован Бошковски, Кирил Билбиловски, Никола Лазаревски-Никица, Јордан Јаневски, Делчо Михајлов, Ѓорѓи Ѓорѓиевски-Џокер и Милосав Крстевски-Ага.
„Златна рамка“ е филмска ревија иницирана како дел од стратешката програма за афирмирање на филмската уметност и домашната продукција и ги отсликува вредностите и континуираната мисија на ДФРМ – унапредување на професионализмот, поврзување на филмската заедница и отворање нови перспективи за креативниот израз.
