Дигестивните проблеми може да предизвикаат сериозна болка, а без разлика дали се соочувате со хронични гасови и надуеност или само сакате да најдете начин да се чувствувате подобро после оброкот, постојат неколку работи што можете да ги направите, а една од нив е пешачењето.
Иако многу од работите кои предизвикуваат болка и непријатност се поврзани со самата диета т.е начин на исхрана, постои една активност што можете да ја направите после јадење за да го помогнете процесот на варење. Тоа е едноставна прошетка.
Здравствените експерти велат дека пешачењето е еден испробан и вистински метод што не треба да го игнорирате ако се обидувате да го одржите вашиот дигестивен систем здрав.
Краткото пешачење по секој оброк е една од најдобрите работи што можете да ги направите за здравјето и тоа поради неколку причини. За почеток, самиот чин на движење на нашите тела помага да се стимулира дигестивниот процес во нашите црева и желудник. Ова може да помогне храната да се движи поефикасно низ дигестивниот тракт, намалувајќи го ризикот од запек или чувство на преголема ситост после оброк.
Дополнително, стоењето и одењето помагаат во циркулацијата на крвта и лимфната течност низ нашето тело, што пак ни овозможува подобро да ги апсорбираме сите хранливи материи од нашата храна – па дури и детоксикација.
Друга голема придобивка од пешачењето за варење е фактот што може да помогне во ублажување на стресот. Како што се испостави, стресот и другите ментални и емоционални фактори се тесно поврзани со нашите црева, што значи дека намалувањето на стресот всушност може да работи за да ги ублажи дигестивните проблеми кај некои луѓе.
Ако планирате да правите некоја енергична активност после јадење, експертите препорачуваат да почекате најмалку 30 минути откако ќе завршите со јадење.
Исто така, воопшто не треба да трошите многу време за да ги искористите придобивките од движењето, доволно е само 10-15 минути пешачење.
Извор: rtcg.me
