Компанијата Anthropic, која развива цивилен модел на вештачка интелигенција Claude, поднесе тужба против Пентагон поради тоа што ја стави на „црната листа“ како ризик за националната безбедност. Овој потег го зголеми конфликтот меѓу американската војска и компаниите за вештачка интелигенција околу ограничувањата за користење на технологијата.
Tужба за непочитување на уставот
Во тужбата пред федерален суд во Калифорнија, Anthropics тврди дека означувањето како „ризик за ланецот на снабдување“ е незаконско и го крши нивното право на слобода на говор и на праведен судски процес. Компанијата побара судот да ја поништи ознаката и да спречи федералните агенции да ја применуваат.
Извршниот директор Дарио Амодеи истакна дека тековната генерација на вештачка интелигенција не е доволно прецизна за автономно оружје и дека користењето за надзор на граѓаните е прекршување на темелните права.
Реакција на Пентагон
Пентагон инсистира дека американскиот закон, а не приватните компании, определува како се брани земјата, и дека ограничувањата на Anthropics би можеле да загрозат животи. Министерството за одбрана веќе потпиша договори до 200 милиони долари со водечки лаборатории за вештачка интелигенција, вклучувајќи Anthropics, OpenAI и Google.
Поддршка од експерти
Група од 37 истражувачи и инженери од OpenAI и Google поднесе поднесок за поддршка на Anthropics, предупредувајќи дека овој случај може да ги обесхрабри експертите за вештачка интелигенција да дискутираат отворено за ризиците и придобивките од технологијата.
