Патници на возот на релација Загреб – Сплит од вчера околу 21 часот се заробени на железничката станица во Книн поради временските услови и дрвја соборени од снег кои го блокирале пругата.
Патниците се жалат дека се оставени сами, без основни потрепштии и без конкретни информации. Една патничка изјави за хрватскиот портал 24sata:
„Од Загреб тргнавме во 13:49, а од 21 час стоиме во Книн. Локомотивата, како што велат, има скршено стакло пред влезот во Книн. Сè уште чекаме, буквално заробени во возот без храна и вода. Надвор е сè заледено, ништо не работи, никој со часови не зборуваше.“
Утрински пристигнал нагибниот воз од Сплит, но не го пренеле патниците бидејќи се тешко пробил, па „не е безбедно“, додава патничката. Таа посочува дека додека се свесни дека невремето и паднатите дрвја се „виша сила“, односот на железницата кон патниците е неприфатлив.
Хрватските железници (ХЖПП) соопштија дека поради големи количини снег, сообраќајот се одвива со големи тешкотии. Пруга помеѓу станиците Косово и Книн е затворена, возот 523 (Загреб – Сплит) е застанат во Книн, а возот 1820 (Сплит – Загреб) е застанат во Перковиќ. Дежурните екипи се на терен, дел од возовите се откажуваат, а патниците се замолуваат за разбирање.
