Парламентот на Франција донесе итен закон, познат како lex specialis, за да спречи прекин на финансирањето на државата од 1 јануари, откако преговорите за буџетот за 2026 година пропаднаа.
Неколку дена пред Нова година, претседателот Емануел Макрон и неговиот кабинет се сретнаа за да подготват краток текст на законот. Целта е да се обезбеди континуитет на функционирањето на државата и јавните услуги, вклучително собирање даноци и нивна распределба кон локалните власти според буџетот за 2025 година.
Пратениците во Народното собрание, долниот дом на Парламентот, поднеле неколку амандмани и го изгласале законот во вторник вечерта, а потоа го усвои и Сенатот. Законот е донесен и покрај длабоките подели меѓу трите главни табори – десничарскиот Национален фронт на Марин Лепен, левичарските партии и центристичката владејачка група на Макрон.
Следниот чекор ќе биде потежок: подготовка на вистинскиот буџет за 2026 година и избегнување нова политичка криза.
Министерот за финансии, Ролан Лескир, го опиша законoт како „резервна гума“ и предупреди дека продолжената зависност од привремен закон би можела да предизвика значително слабеење на француската економија.
Претседателот Макрон сака да го намали огромниот државен дефицит на 5% од БДП и да го врати довербата на инвеститорите поради политичкиот застој и превирањата предизвикани од неговата одлука за предвремени избори минатата година.
Франција има висок јавен расход, пред сè за социјална заштита, здравство и образование, кој не се покрива целосно со даноците. Премиерот Себастијан Лекорни, кој се повлече, а потоа повторно беше назначен, повика сите партии да работат и за време на празниците за да постигнат компромис за буџетот за 2026 година, откако претходниот обид пропадна.
