По отворањето на сезоната на капење во реката Сена, првпат од 1923 година, градоначалничката на Париз, Ан Идалго потврди дека околу 100.000 луѓе веќе ја искористија можноста да пливаат на три официјални места за капење.
Поради големиот интерес на јавноста, сезоната за капење е продолжена.
Сезоната првично требаше да заврши на крајот на август, но градоначалничката Идалго објави дека местата во близина на Ајфеловата кула и во областа Берси, по барање на граѓаните, ќе останат отворени подолго.
„Речиси 100.000 пливачи уживаа во Сена ова лето, и поради овој извонреден успех, решив да ја продолжам сезоната“, напиша Идалго на социјалната мрежа „Блускај“.
