Земјотрес јачина 3,9 степени регистриран е денес во околината на Наполи, на југот на Италија. Епицентарот на земјотресот бил во вулканската калдера (вида кратер) на длабочина од 2 километра, 14 километри од Наполи, во 15:30 по локално време, соопшти агенцијата Анса.
Не биле пријавени повредени или оштетени објекти, но земјотресот ги вознемири жителите на Наполи и околните региони. Во овој дел на Италија честопати се случуваат земјотреси, бидејќи областата Кампи Флегреи (Флегреанска полиња) е моментално под влијание на брадизеизам.
Брадизеизам е постепено подигање или спуштање на делови од Земјината површина предизвикано од полнење или празнење подземни комори на магма или хидротермална активност, особено во вулканските калдери.
Овој процес може да трае милениуми помеѓу ерупциите, а секое движење на тлото обично е проследено со илјадници мали до умерени земјотреси.
