Воздушна драма се одвивала над Крф, кога авион полн со 273 патници доживеал дефект веднаш по полетувањето кон Дизелдорф. Еден од моторите се запалил, а сведоци од плажите велат дека се слушнал силен звук налик на експлозија.
Пилотите реагирале навреме – го исклучиле дотокот на гориво и спречиле поголема трагедија. Наместо да се вратат на Крф, донеле одлука авионот да продолжи кон Италија и таму безбедно слетале со работа само на еден мотор.
Според информациите, најголем дел од патниците биле германски туристи, а среќна околност е што нема повредени.
