По повод Меѓународниот ден на жената 8.Март, во Европската куќа во Скопје ќе се одржи панел дискусија насловена како „(Fe)male Effect:Her Story, Her Path, Her Power“, “(Же)машки ефект: Нејзината приказна, нејзиниот пат, нејзината моќ“). Панел дискусијата ќе се одржи на 10 март (понеделник) со почеток во 12 часот.
На настанот, на кој се очекува да бидат отворени важни теми за предизвиците со кои се соочуваат жените кои својот професионален живот го посветиле на образованието, науката и културата и со својата работа и ангажман го менуваат општеството, поздравен говор ќе одржи амбасадорот на ЕУ во Македонија, Михалис Рокас.
Во панел дискусијата ќе земат учество и заменик-шефот на мисијата во амбасадата на Грција, Кристина Василатоу, професорката на Филолошкиот факултет „Блаже Конески“, Маја Бојаџиевска, ко-основачот и директор на Фондацијата „Кантарот“ и менаџер на платформата „Наука за деца“, Драгана Стикова и културниот продуцент и проектен менаџер во Младинскиот културен центар (МКЦ), Маргарита Арсова.
Панел дискусијата е наменета за среношколки и студентки кои за време на интерактивната сесија ќе имаат можност да се вклучат во дискусијата и да поставуваат прашања.
Модератор на настанот ќе биде новинарката Ана Зафирова.
