Вооружените судири меѓу Пакистан и авганистанските талибани во сабота влегоа во третиот ден без знаци на смирување. Пакистанскиот премиерски портпарол изјави дека нема да има „никакви разговори, никаков дијалог, никакви преговори” сè додека Кабул не го запре засолнувањето на терористички групи на своја територија. Талибаните, пак, изјавија дека се подготвени за преговори.
Како дојде до ескалација
Ударите дојдоа откако авганистанските сили извршиле координирани прекугранични напади врз пакистанските воени позиции во шест гранични провинции доцна во четвртокот. Пакистан возврати со воздушни удари врз Кабул, Кандахар и Пактија — прво бомбардирање на јужното упориште на талибаните откако тие дојдоа на власт во 2021 година.
Пакистанскиот министер за одбрана Хаваџа Асиф изјави дека „чашата на трпение е препреана” и дека Исламабад е во „отворена војна” со авганистанската влада.
Жртви и спорни бројки
Пакистанската армија соопшти дека во операциите загинале најмалку 274 припадници на авганистанските сили, а 12 пакистански војници изгубиле живот. Талибаните ги отфрлија овие бројки како „лажни”, тврдејќи дека загинале 55 пакистански војници. Ниедна страна не може независно да се верифицира.
Позадина на конфликтот
Ударите ја скршија крткотрајното примирје посредувано од Турција и Катар, постигнато по десет дена смртоносни гранични судири во октомври, бо кои загинале над 70 луѓе од двете страни. Исламабад ги обвинува талибанците за засолнување на пакистанскиот Техрик-е-Талибан (ТТП) — група одговорна за бројни терористички напади на пакистанска почва. Кабул ги негира обвинувањата.
Пакистан не преговара со терористи
Талибаните изјавија дека се отворени за преговори, но Пакистан во сабота одговори дека нема да има никаков дијалог сè додека „тероризмот од Авганистан не престане”. Al Jazeera Генералниот секретар на ОН Антонио Гутереш изрази длабока загриженост за цивилните жртви. ЕУ и Иран повикаа на смирување и дијалог.
