Производството на сурова нафта кај дванаесетчлената организација OPEC во март падна на најниско ниво во последните седум години, главно поради геополитичките тензии и нарушувањата во испораките. Според истражување на Reuters, дневното производство паднало на околу 21,57 милиони барели, што е значителен пад во однос на претходниот месец.
Најголемо влијание врз падот имаа Ирак, Кувајт, Саудиска Арабија и Обединетите Арапски Емирати, кои ги намалија своите испораки. Иако дел од земјите во групата OPEC+ се договорија да ја стабилизираат производството во првиот квартал од 2026 година, анализите покажуваат дека нарушувањата во синџирот на снабдување ќе продолжат да влијаат врз пазарот.
Особено силен пад е забележан во Ирак, каде производството се намали на околу 1,6 милиони барели дневно, во споредба со над 4 милиони барели во претходниот месец. Од друга страна, Саудиска Арабија и Обединетите Арапски Емирати се во подобра позиција, бидејќи имаат извозни рути кои го заобиколуваат Ормускиот теснец.
Според аналитичарите од Energy Aspects, глобалното производство може дополнително да се намали поради геополитичките тензии и прекините во транспортот. Само две земји во групата Венецуела и Нигерија, забележале благ пораст на производство во текот на месецот.
Овој пад претставува најниско ниво на производство уште од јуни 2020 година, кога пазарот беше силно погоден од пандемијата.
