Новиот Европски парламент не само што не оди во правец на постигнување на целосна родова еднаквост, туку во последниот состав уште повеќе е доминиран од мажи.
Само 277 од 719 потврдени пратеници на ЕУ во новиот парламент се жени, или 38,5 отсто, што е намалување од околу 40 отсто во споредба со претходниот состав. Тоа е прв пад на процентот на жени во Парламентот, кој беше на постојана нагорна траекторија од 1979 година.
Површна споредба со претходните мандати на Парламентот сугерира дека односот на половите на политичките групи всушност остана прилично стабилен – со еден исклучок: десничарските европски конзервативци и реформисти, предводени од истакната политичарка во италијанската влада премиер Џорџија Мелони, паднаа од 30 проценти од женските европратенички во претходниот мандат до под 22 проценти. Само 17 од 78 европратеници од оваа партија се жени.
