Уште една фантастична обработката на гитарскиот виртуозот Влатко Стефановски Трио. Станува збор за „Gipsy Song“, сингл од новиот албум „London sessions“, снимен во Студио 3 на легендарното Abbey Road Studio во Лондон. Доаѓа по обработката на „While My Guitar Gently Weeps“ и антологиската „Чукни во дрво“.
„Gipsy Song“, со музика и текст на Влатко Стефановски, за првпат е објавена во далечната 1997 година, како дел од музиката од филмот „Gipsy Magic“. Во текот на 1996 година Стефановски интензивно работеше на музиката за филмот кој е во режија на Столе Попов. „Gipsy Song“ за кратко време стана голем хит на Балканот, а по четири години, таа била ставена на компилацијата „Џипси караван“ на продуцентската куќа „Путумајо рекордс“, со најубавите цигански песни од целиот свет.
Џипси сонг
Шутка и Топаана имаат една маана
Што не се во Индиjа
За да види Кришна што е тоа живот
На весела долина
Jас сум шетал, jас сум бил на запад
Дури до Германиjа
За да наjдам парче леб за мене и за
Моjата фамилиjа
Еj, да имам, ко што немам
Па да купам бел коњ
И да jавам, дење ноќе
И на jаве, и на jаве и на сон
Секоj од нас има своjа ѕвезда
Што го прати дур е жив
Кога свети jако, човек има среќа
Кога гасне судбина
Еj, да имам, ко што немам
Па да купам бел коњ
И да jавам, дење ноќе
И на jаве, и на jаве и на сон
Еj, да имам, ко што немам
Ќе ти купам кревет
За да спиеш ти со мене
Илјада и, илјада и една ноќ…
