Германскиот инженер на аеронаутика, 59-годишниот Рудиѓер Ко, постави светски рекорд за најдолго време поминато под вода без декомпресија. Ко помина импресивни 120 дена во подводна капсула, поставена 11 метри под површината на морето кај брегот на Панама. Овој подвиг го надмина претходниот рекорд на американскиот инженер Џозеф Дитури, кој помина 100 дена под вода.
Ко излегувањето од својата капсула од 30 квадратни метри, која беше опремена со се што му беше потребно, вклучувајќи кревет, тоалет, телевизор, компјутер, велосипед за вежбање, па дури и интернет, го прослави со присуство на судијата на “Guinness World Records”, Сузан Рејес.
Неговата капсула беше поврзана со соларни панели на површината, а постоеше и резервен генератор за енергија. Ко изјави дека се надева дека овој подвиг ќе го промени начинoт на размислување за човечкиот живот.
Четири камери ја следеа неговата секојдневна рутина, снимајќи ја неговата активност и ментално здравје, додека Ко ја напуштил капсулата и поставил рекорд кој ќе остане запаметен!
