Но, покрај очигледните навики што можат да ја зголемат потрошувачката, во секој дом постојат и таканаречени „скриени“ потрошувачи кои тивко, но упорно ја зголемуваат сметката.
Според експертите, некои уреди работат во позадина и кога мислиме дека се исклучени, а други се енергетски неефикасни поради старост или лошо одржување. Еве кои апарати најчесто се одговорни за високата сметка за струја и како да ја намалите потрошувачката.
Стари фрижидери
Доколку фрижидерот е постар од 15 години, шансите се големи дека трошат многу повеќе електрична енергија отколку модерните модели. Старите апарати често имаат ослабена изолација и неефикасни компресори, па годишната потрошувачка може да достигне и до 1.000 kWh. Новите енергетски ефикасни модели, особено оние со Energy Star ознака, значително ја намалуваат потрошувачката.
Уреди кои трошат струја и кога се исклучени
Многу домашни апарати остануваат активни дури и кога се на standby. Телевизори, гејминг-конзоли, лаптоп и телефонски полначи, кабловски ресивери, стриминг-уреди, па дури и микробранови печки и апарати за кафе, трошат струја во позадина. Решението? Исклучување од штекер, употреба на паметни продужни кабли или барем редовно вадење на полначите кога не се користат.
Бојлерот – невидливиот лидер во сметката
Иако никој не сака ладни тушеви, неконтролираното работење на бојлерот може значително да го зголеми месечниот трошок. Ако водата е постојано загревана на висока температура, потрошувачката расте експоненцијално. Експертите препорачуваат оптимална температура од околу 49°C.
Електричните шпорети и рерните – повремени, но скапи
Иако не се користат постојано, рерните и шпоретите трошат голема количина енергија секогаш кога се вклучени. Просечната потрошувачка на електрична рерна е од 2 до 2.5 kWh на час, што ја прави еден од најголемите потрошувачи во кујната. Дополнителни загуби се јавуваат доколку рерната често се отвора за време на печење или е неочекувано нечиста. Се препорачува вентилаторско печење, пониски температури и подготовка на повеќе јадења истовремено.
Енергетските експерти нагласуваат дека со мали промени во секојдневието како исклучување на „празни“ потрошувачи и замена на застарени уреди, месечните сметки може значително да се намалат, а домот да стане поефикасен и побезбеден.
Извор: N1info.rs
