Франција е земја на прекрасни градови, села и пејсажи, погодна за секаков тип на туризам, но наскоро би можела да падне од тронот на најпосетуваната земја во светот.
Според студијата на Google и Deloitte, нејзиниот сосед, Шпанија, би можел да биде на прво место. Истражувачите предвидуваат дека до 2040 година Шпанија ќе биде домаќин на 110 милиони луѓе, наспроти 105 милиони туристи во Франција. Тоа би било зголемување од 24 отсто за Шпанија, а само во 2024 година ја посетиле 94 милиони луѓе, што е и рекорд за странските туристи.
Во 2023 година, 83,5 милиони луѓе ја посетиле земјата. Во март 2024 година, повеќе од 6 милиони патници ја посетија земјата, што е зголемување за 21 отсто во споредба со истиот месец претходната година.
Барселона останува неспорна – таа е најпосетуваниот град во медитеранската земја. Минатата година беше домаќин на 15,5 милиони странски посетители. Други популарни градови се главниот град Мадрид, Севиља, Сан Себастијан и Гранада. Покрај тоа, тука се и Балеарските и Канарските Острови, кои стануваат сè попопуларни во последниве години. Приходите од странските посетители достигнаа 126 милијарди евра минатата година, што е за 16 отсто повеќе од 108,7 милијарди евра што туристите оставија во 2023 година.
Туризмот учествува со 12,3 отсто од бруто домашниот производ, а Шпанија е една од најпопуларните дестинации за одмор, а 32 отсто од туристите се особено заинтересирани за културните атракции.
