Доаѓаат пеколни денови, а шепите на вашите миленици ќе бидат изложени на загреани површини. Сите сме сведоци на повисоки и повисоки температури, кои од година во година ставаат се поголем стрес на нашето тело, но и на телото на нашите кучиња. Летните прошетки со домашни миленици се една од омилените активности во овој период од годината. Сепак, има некои работи на кои треба да внимавате кога ќе излезете од дома.
Една од тие работи секако се жешките површини, најчесто асфалтот, кои можат сериозно да ги повредат шепите на вашето куче. За полесно да се разбере оваа опасност, ќе го споредиме асфалтот со тава во која пржите јајца. Имено, на многу високи температури, асфалтот може да се загрее толку што на него може да се испржи јајце на ист начин како во тава на отворен оган. Опасноста за шепите на вашето куче е уште поголема ако е кученце бидејќи тие имаат уште понежни шепи од возрасните кучиња.
Совети за заштита на шепите
Првиот и најлогичен совет секако е да избегнувате пешачење во најтоплиот период од денот. Најдоброто време од денот за прошетка во лето дефинитивно ќе биде рано наутро или подоцна навечер, кога асфалтот веќе полека почна да се лади.
Ако веќе немате можност да го прошетате вашето куче рано наутро или навечер, внимавајте наместо на асфалт да оди по трева. Однесете го на ливадата или на паркот за кучиња за да се осигурате дека неговите шепи ќе останат заштитени.
За да ги направите шепите на вашето куче посилни и поотпорни на повреди, важно е сепак да го однесете на прошетка по асфалт и други тврди површини кога не е премногу топло. Неговите шепи на овој начин ќе добијат потврд заштитен слој, па ќе биде многу потешко да ги повредите, пишува Shallowford Animal Hospital.
Навлажнете ги шепите на вашето куче секој ден. Можете да го направите ова со нанесување крем или масло со витамин Е, вазелин, специјални навлажнувачки креми за кучиња или восок за шепи. Грижата за шепите ќе спречи повреди, како што се исеченици, лупење или испукани шепи.
Во денешно време има се повеќе продавници кои продаваат специјализирани „кучешки чевли“. Навистина, овој изум е еден од најдобрите за заштита на шепите на вашето куче. На крајот на краиштата, вие носите чевли секој ден од истата причина. Единственото нешто на што треба да бидете подготвени е дека ќе биде потребно извесно време за вашето куче да се навикне на нив.
После секоја прошетка задолжително проверете ги шепите и уверете се дека се е во ред со нив. Секојдневната нега и проверка е всушност најдобриот начин да ги одржите шепите на вашето куче здрави дури и во жешките јунски денови што претстојат.
Фото: pexels
