Иако не се меѓу најскапите производи поединечно, проблемот е во тоа што ги купуваме редовно, често во поголеми количини, а потоа дел од нив остануваат неискористени. Кога ќе им помине рокот или ќе се расипат, обично се фрла цело пакување, што создава значителна штета – не само финансиска, туку и еколошка. Според проценки, јајцата се меѓу најчесто фрланите намирници во Европа, токму затоа што луѓето ги забораваат во фрижидер и потоа не знаат дали се уште добри за употреба.
Како да проверите дали јајцата се свежи?
Постојат едноставни начини да утврдите дали јајцето е сè уште добро. Најпознатиот е тестот со вода: наполнете чаша или длабока чинија со ладна вода и внимателно спуштете го јајцето.
- Ако потоне и легне на страна – свежо е.
- Ако стои исправено – сè уште е јестиво, но треба наскоро да се употреби.
- Ако исплива на површината – расипано е и треба да се фрли.
Овој едноставен трик може да ви заштеди пари и да спречи непотребно расфрлање со храна.
Како да ги искористите пред да пропаднат?
Доколку често ви остануваат јајца, а не ви се јаде класична кајгана, има многу начини да ги употребите:
- Направете фритата, која е совршена за појадок или лесна вечера.
- Искористете ги за домашна тестенина – потребни се само јајца и брашно.
- Ако сте љубител на слатко, од нив можете да направите мафини, бисквити или палачинки.
- Варените јајца се практични за сендвичи, салати или ужина, а можете да приготвите и француска салата, не само за празници.
Со малку креативност и внимание, јајцата можат да станат намирница што ќе ја искористите до крај – наместо таа што најчесто ја фрлате.
Извор:Index.hr
