Кога зборуваме за клима уреди, луѓето генерално се делат во две групи. Некои луѓе постојано се жалат дека им е премногу ладно, додека на други дури ниту тогаш не им е свежо. Никој не сака да се поти додека се одмара дома, но ниту некој сака да носи џемпер во средината на јули.
Затоа често се поставува прашањето – која е идеалната температура на термостатот во текот на летото, за сите да се чувствуваат удобно, а сметките за струја да не се превисоки.
Исто како што 21 степен се смета за оптимален во текот на зимата, експертите препорачуваат внатрешната температура да биде околу 25 степени во лето. Таа температура, според енергетските експерти, нуди најдобар баланс помеѓу удобноста и потрошувачката на енергија.
Дури и ако на почетокот на некои им изгледа топло, повеќето се навикнуваат многу брзо. А ако сакате дополнителни заштеди, се препорачува во текот на ноќта, кога телото природно ја намалува температурата, да го поставите термостатот помеѓу 26 и 27 степени. Лесните пижами или спиењето под тенок чаршаф може да ви помогнат да се чувствувате поудобно.
Доколку имате домашни миленици, треба да имате предвид дека многу животни тешко поднесуваат температури над 28 или 29 степени. Особено е важно за птиците и помалите цицачи просторот да не биде премногу топол, додека кучињата не сакаат температури над 28 степени.
