Општина Велење, во соработка со Институтот за заштита на културното наследство на Словенија, ќе го обнови споменикот на Јосип Броз Тито, кој минатата недела беше осквернавен од 49-годишен локален жител. Општината објави дека против познатиот сторител ќе биде поднесена кривична пријава, а по проценката на штетата, ќе биде поднесено барање за надомест, пишува 24ur.
Сторителот е жител на Велење, Мирослав Пачник, кој по невидениот вандализам беше брзо уапсен, откако беше пријавен од граѓанин кој забележал човек на улицата до музичкото училиште како се обидува да турне огромен метален предмет во багажникот на Шкода со хрватски регистарски таблички.
