Конкурсите се отворени за сите автори кои пишуваат на македонски јазик, без разлика на нивната возраст или статус во книжевниот свет. Традиционално, наградите „Караманов“ се доделуваат на Фестивалот на поезијата „Караманов“, кој секоја година собира истакнати поети и љубители на литературата од земјата и странство.
Центарот за култура „Ацо Караманов“ – Радовиш и Советот на 51. Караманови средби ги распишаа конкурсите за најдобра необјавена поетска книга и најдобар поетски раскопис од странски автор за доделување на наградата „Караманов 2024“.
Конкурсот трае од 14 до 25 октомври 2024 година, а може да учествуваат автори од Република Македонија и автори од дијаспората коишто пишуваат на македонски јазик, како и автори од целиот свет.
Ракописите не треба да бидат подолги од 64 страници или четири табаци, а се бара да бидат доставени под шифра во два маила во електронска форма потпишани со шифра, а со посебен маил да дадат и одговор на шифрата на адреса aco.karamanov@yahoo.com
На наградениот автор за награда ќе му биде објавена книга со неговиот награден ракопис и ќе му биде дадено признание.
Меѓународниот фестивал на поезија „Караманов“, кој редовно финансиски е поддржан од Министерството за култура и Општина Радовиш има долга поетска традиција, имајќи предвид дека првото издание на Фестивалот било во 1967 година. Организирано е во чест на младиот македонски поет Ацо Караманов кој загина за време на Втората светска војна кога имал само 17 години. Караманов е симболист и експресионист и неговата поезија ги одразува тешките времиња што ги живееше како млад човек и како партизан. По неговата смрт биле објавени повеќе од 280 песни, а тој има и неколку кратки раскази, незавршен роман и дневници во кои ги чувал своите најинтимни мисли и рефлексии од секојдневието.
Селектори за наградата се Борче Панов и Даниела Андоновска Трајковска.
