Отворен е повикот за „Be Inclusive“ спортските награди на ЕУ. Рокот за пријавување е 25 септември 2024 година, до 17:00 часот.
„Направете разлика преку спортот! Имате спортски проект кој промовира инклузија? Спортските награди на ЕУ #BeInclusive 2024 се тука да ги препознаат и наградат најдобрите иницијативи низ Европа!“ порачуваат од Europe House.
Aплицирањето е во неколку категории: разбивање на бариерите: проекти кои поттикнуваат инклузија и толеранција, родова еднаквост: зајакнување на жените и девојките преку спортот и спорт за мир: промовирање на мирот и европските вредности.
Победниците ќе добијат награда од 10.000 евра, а финалистите 2.500 евра.
